អេ អឹម ខេ ដាក់ចេញនូវផលិតផលសន្សំថ្មីគឺ “គណនីជំនាន់ថ្មី” ជាផ្លូវការ

ព័ត៌មាន

ភ្នំពេញ, ថ្ងៃទី២ ខែកុម្ភៈ ឆ្នាំ២០២៦ – គ្រឹះស្ថានមីក្រូហិរញ្ញវត្ថុ អេ អឹម ខេ បានប្រកាសដាក់ឱ្យប្រើប្រាស់ជាផ្លូវការនូវគណនីសន្សំថ្មីគឺ “គណនីជំនាន់ថ្មី” ឬ “New Gen Account”។

គណនីនេះបង្កើតឡើងជាពិសេសសម្រាប់យុវវ័យអាយុចាប់ពី ១២ឆ្នាំ ដល់ក្រោម ១៨ឆ្នាំ ដែលមិនទាន់មានអត្តសញ្ញាណបណ្ណ ក្នុងគោលបំណងផ្ដល់ឱកាសឱ្យប្អូនៗអាចចាប់ផ្តើមប្រើប្រាស់គណនីធនាគារបានយ៉ាងងាយស្រួល និងបណ្តុះទម្លាប់គ្រប់គ្រងហិរញ្ញវត្ថុប្រកបដោយទំនួលខុសត្រូវក្រោមការគ្រប់់គ្រងពីឪពុកម្តាយ ឬអាណាព្យាបាល។ មិនតែប៉ុណ្ណោះ ប្អូនៗអាចពិនិត្យមើលសមតុល្យគណនី ការផ្ទេរប្រាក់ ការទូទាត់ក្នុងស្រុក និងចាត់ចែងប្រាក់សន្សំដោយខ្លួនឯងលើ AMK Mobile។

ទន្ទឹមនឹងនេះ ឪពុកម្តាយ ឬអាណាព្យាបាលរឹតតែមានភាពកក់ក្តៅ និងសន្តិភាពផ្លូវចិត្ត ព្រោះពួកគាត់អាចតាមដាន និងគ្រប់គ្រងប្រតិបត្តិការប្រចាំថ្ងៃ ឬការចំណាយរបស់កូនៗបានយ៉ាងងាយស្រួលតាម AMK Mobile ប្រកបដោយសុវត្ថិភាពខ្ពស់។ ឪពុកម្តាយក៏អាចបង្កើត «គណនីជំនាន់ថ្មី» ដោយខ្លួនឯងលើ AMK Mobile។

អត្ថប្រយោជន៍ «គណនីជំនាន់ថ្មី» មានដូចជា៖

បទពិសោធន៍ហិរញ្ញវត្ថុថ្មី
បង្កើតវិន័យក្នុងការចាយ និងសន្សំ
ងាយស្រួលទូទាត់ និងមានសុវត្ថិភាព
ទទួលបាន $1 បន្ទាប់ពីបើកគណនី និងប្រាក់ត្រឡប់ 1% រាល់ការស្កេនប្រចាំខែ
តម្លើងទៅជាគណនីសន្សំពេញលេញដោយខ្លួនឯង (ឯករាជ្យ) ចាប់ពីអាយុ ១៨ឆ្នាំឡើងទៅ ហើយអាចប្រើប្រាស់សេវាហិរញ្ញវត្ថុពេញលេញពី អេ អឹម ខេ និង
អត្ថប្រយោជន៍ជាច្រើនទៀត

លក្ខខណ្ឌក្នុងការបើកគណនី៖

ជាឪពុក ឬ ម្តាយ ឬ អាណាព្យាបាលស្របច្បាប់របស់កូនដែលមានអាយុចាប់ពី១២ឆ្នាំ ដល់ក្រោម ១៨ឆ្នាំ
ឯកសារបញ្ជាក់ទំនាក់ទំនង ដូចជា សំបុត្រកំណើត ឬ សៀវភៅគ្រួសារ ឬ សៀវភៅស្នាក់នៅ។

បណ្តុះទម្លាប់ហិរញ្ញវត្ថុល្អៗដល់បុត្រធីតារបស់លោកអ្នកនៅថ្ងៃនេះ ដើម្បីអនាគតដ៏ភ្លឺស្វាង!

របៀបបើកគណនី៖