លក្ខខណ្ឌទទួលបានកាតសាំងបន្ថែម៖

• បុព្វលាភធានារ៉ាប់រងចាប់ពី $1,500 ឡើងទៅ ទទួលបានកាតសាំងតម្លៃ $100
• បុព្វលាភធានារ៉ាប់រងចាប់ពី $5,000 ឡើងទៅ ទទួលបានកាតសាំងតម្លៃ $350
• បុព្វលាភធានារ៉ាប់រងចាប់ពី $10,000 ឡើងទៅ ទទួលបានកាតសាំងតម្លៃ $500

លក្ខខណ្ឌផ្សេងៗ៖

• អតិថិជនត្រូវដាក់ប្រាក់បញ្ញើមានកាលកំណត់នៅ ធនាគារ អេ អឹម ខេ ដែលមានរយៈពេលយ៉ាងតិច ១២ ខែឡើងទៅ។
• អត្រាការប្រាក់បន្ថែមលើប្រាក់បញ្ញើមានកាលកំណត់នេះអនុវត្តគ្រប់ជម្រើសបង់ប្រាក់ទាំងអស់ លើកលែងតែការបង់ជាប្រចាំខែ និងប្រចាំត្រីមាស។ ការទទួលបានកាតសាំងបន្ថែម អនុវត្តគ្រប់ជម្រើសបង់ប្រាក់ទាំងអស់ លើកលែងតែការបង់ជាប្រចាំខែ និងប្រចាំត្រីមាស និងការបង់តែម្តង។
• អនុវត្តចំពោះផលិតផលទាំងអស់ លើកលែងតែ EasyCare និង CreditCare/Plus។ ផលិតផល EduPro Premier Term 6 មិនមានសិទ្ធិចូលរួមចាប់ពីថ្ងៃទី 1 ខែកក្កដា តទៅ។
• អតិថិជនអាចបើកគណនីប្រាក់បញ្ញើមានកាលកំណត់ច្រើនជាមួយ ធនាគារ អេ អឹម ខេ ហើយយុទ្ធនាការនេះនឹងអនុវត្តចំពោះគណនីប្រាក់បញ្ញើមានកាលកំណត់នីមួយៗដែលមានសិទ្ធិទទួលបាន ស្របតាមខនិងលក្ខខណ្ឌទាំងនេះ។
• អតិថិជនដែលដកការប្រាក់របស់ប្រាក់បញ្ញើមានកាលកំណត់ជាប្រចាំខែ នឹងមិនមានសិទ្ធិទទួលបានអត្រាការប្រាក់បន្ថែមសម្រាប់ប្រាក់បញ្ញើមានកាលកំណត់ និងការទទួលបានកាតសាំងបន្ថែមឡើយ។
• អតិថិជននឹងមានសិទ្ធិទទួលបានអត្រាការប្រាក់បន្ថែមសម្រាប់ប្រាក់បញ្ញើមានកាលកំណត់ ចំនួន ០.២៥% ឬ ០.៥% អាស្រ័យលើកម្រិតប្រាក់បញ្ញើមានកាលកំណត់ និងបុព្វលាភធានារ៉ាប់រងឆ្នាំដំបូងដែលបានទិញជាមួយ ក្រុមហ៊ុន ដាយ អ៊ិឈិ ឡាយហ្វ៍ ដោយបណ្ណសន្យារ៉ាប់រងនោះមិនត្រូវបានលុបចោលក្នុងអំឡុងពេលនៃរយៈពេលសាកល្បង។
• អត្រាការប្រាក់បន្ថែមលើប្រាក់បញ្ញើមានកាលកំណត់ និងកាតសាំងបន្ថែម អនុវត្តបានតែទៅលើប្រាក់បញ្ញើមានកាលកំណត់ ១ (មួយ)ប៉ុណ្ណោះក្នុងមួយបណ្ណសន្យារ៉ាប់រង។ សម្រាប់ប្រាក់បញ្ញើមានកាលកំណត់ដែលបន្តស្វ័យប្រវត្តិ ឬបន្ដឡើងវិញមិនមានសិទ្ធិទទួលបានអត្រាការប្រាក់បន្ថែមក្រោមយុទ្ធនាការនេះទេ។
• អតិថិជនត្រូវធ្វើការត្រួតពិនិត្យសុខភាព និងផ្តល់ឯកសារតម្រូវទាំងអស់ទៅឱ្យ ក្រុមហ៊ុន ដាយ អ៊ិឈិ ឡាយហ្វ៍ ឱ្យបានទាន់ពេលវេលា ស្របតាមតម្រូវការនៃការវាយតម្លៃហានិភ័យធានារ៉ាប់រង និងការចេញបណ្ណសន្យារ៉ាប់រងរបស់ក្រុមហ៊ុន ដាយ អ៊ិឈិ ឡាយហ្វ៍។
• សិទ្ធិទទួលអត្រាការប្រាក់បន្ថែម នឹងត្រូវកំណត់ដោយផ្អែកលើចំនួនប្រាក់បញ្ញើមានកាលកំណត់ដែលត្រូវគ្នានឹងកម្រិត បុព្វលាភធានារ៉ាប់រងឆ្នាំដំបូងដែលអតិថិជនបានជ្រើសរើស។ អត្រាការប្រាក់បន្ថែមនឹងត្រូវគណនាតែចំនួនប្រាក់បញ្ញើមានកាលកំណត់អតិបរមាក្រោមកម្រិតបុព្វលាភធានារ៉ាប់រងឆ្នាំដំបូងតែប៉ុណ្ណោះ។ ចំណែកណាមួយនៃប្រាក់បញ្ញើមានកាលកំណត់លើសពីកម្រិតនោះ នឹងមិនមានសិទ្ធិទទួលអត្រាការប្រាក់បន្ថែមផ្សេងទៀតទេ។